عَنْ أَبِي بَرْزَةَ الأَسْلَمِيِّ، قَالَ: قَالَ رَسُولُ اللَّهِ ﷺ: «لَا تَزُولُ قَدَمَا عَبْدٍ يَوْمَ القِيَامَةِ حَتَّى يُسْأَلَ عَنْ عُمُرِهِ: فِيمَ أَفْنَاهُ؟ وَعَنْ عِلْمِهِ: فِيمَ فَعَلَ؟ وَعَنْ مَالِه: مِنْ أَيْنَ اكْتَسَبَهُ؟ وَفِيمَ أَنْفَقَهُ؟ وَعَنْ جِسْمِهِ: فِيمَ أَبْلَاهُ؟».
Kutoka kwa Abu Barzah Al-Aslamiy, ambaye amesema: Amesema Mtume wa Mwenyezi Mungu Swalla Allaahu alayhi wasallam:
1- “Mja hatatembea kusogea mbele Siku ya Qiyaamah mpaka aulizwe
2- Kuhusu umri wake: Aliumaliza vipi?
3- Ujuzi wake: alifanya nini?
4- Kuhusu pesa zake alizipata wapi? Na Alizitumia katika lipi?
5- Na kuhusu mwili wake: aliuchoshaje? .
Amesema Mwenyezi Mtukufu:
“Je! Mnawaamrisha watu mema na mnajisahau nafsi zenu, na hali nyinyi mnasoma Kitabu? Basi je, hamzingatii” .
[Al-Baqarah: 44]
Mwenyezi Mungu mtukufu amesema:
“Na humo watapiga makelele: Mola wetu Mlezi! Tutoe tufanye mema sio yale tuliyo kuwa tukiyafanya. Kwani hatukukupeni umri wa kutosha kukumbuka mwenye kukumbuka? Na akakujieni Mwonyaji? Basi onjeni! Kwani walio dhulumu hawana wa kuwanusuru”.
[Fatir: 37]
Mtukufu aliye tukuka amesema:
“Na wasimamisheni. Hakika hao ni wenye kuulizwa ” .
[Al-Saffat: 24]
Na amesema Mwenyezi Mungu aliyetukuka:
“Na wakawafanya Malaika, ambao ni waja wa Mwingi wa Rehema, ni wanawake! Kwani wameshuhudia kuumbwa kwao? Ushahidi wao utaandikwa na wao watahojiwa” .
[Al-Zukhruf: 19]
Mwenyezi Mtukufu amesema:
“Enyi mlio amini! Kwa nini mnasema msiyo yatenda” .
[As-Saff: 2]
