UHARAMU WA UCHAWI NA MADAI YA ELIMU YA GHAIBU

عَنْ أَبِي هُرَيْرَةَ رضي الله عنه، عَنْ النَّبِيِّ ﷺ قَالَ: «مَنْ أَتَى كَاهِنًا، أَوْ عَرَّافًا، فَصَدَّقَهُ بِمَا يَقُولُ، فَقَدْ كَفَرَ بِمَا أُنْزِلَ عَلَى مُحَمَّدٍ ﷺ»

تحميل الملف الصوتي

Kutoka kwa Abu Hurayrah Mwenyezi Mungu awe radhi naye kutoka kwa Mtume (Rehma na Amani zimshukie) amesema: “Mwenye kwenda kwa mtabiri au kohani na akaamini anayoyasema, Amekufuru yaliyoteremshwa kwa Muhammad, Mwenyezi Mungu amfikishie rehema na amani.”

Vitendawili vya Qur'ani Vinavyohusiana

Ripoti kosa

Amesema Mwenyezi Mungu Mtukufu:

“Na ziko kwake funguo za ghaibu; hakuna azijuaye ila Yeye tu. Na Yeye anajua kilioko nchi kavu na baharini. Na halidondoki jani ila analijua. Wala punje katika giza la ardhi, wala kibichi, wala kikavu ila kimo katika Kitabu kinacho bainisha”

[Al-An'am: 59].

Mwenyezi Mungu mlezi pia anasema

“Na hakika tumeweka katika mbingu vituo vya sayari, na tumezipamba kwa wenye kuangalia (16) Na tumezilinda na kila shetani afukuzwaye (17) Isipokuwa mwenye kusikiliza kwa kuibia, naye hufuatwa na kijinga cha moto kinacho onekana” .

[Al-Hijr: 16-18]

Pia amesema mola mlezi aliye tukuka:

“Sema: Hapana katika mbingu na ardhi ajuaye ya ghaibu isipo kuwa Mwenyezi Mungu. Wala wao hawajui lini watafufuliwa (65) Kwani huo ujuzi wao umefikilia kuijua Akhera? Bali wao wamo katika shaka nayo tu, bali wao kwa ujuzi nayo ni vipofu” .

[An-Namli: 65, 66]

Mwenyezi Mungu mlezi pia anasema:

“Hakika kuijua Saa ya Kiyama kuko kwa Mwenyezi Mungu. Na Yeye ndiye anaye iteremsha mvua. Na anavijua viliomo ndani ya matumbo ya uzazi. Na haijui nafsi yoyote itachuma nini kesho. Wala nafsi yoyote haijui itafia nchi gani. Hakika Mwenyezi Mungu ndiye Mwenye kujua, Mwenye khabari” .

[Luqman: 34]