عَنْ عَبْدِ اللَّهِ بْنِ بُسْرٍ، أَنَّ رَجُلًا قَالَ: يَا رَسُولَ اللَّهِ، إِنَّ شَرَائِعَ الإِسْلَامِ قَدْ كَثُرَتْ عَلَيَّ، فَأَخْبِرْنِي بِشَيْءٍ أَتَشَبَّثُ بِهِ، قَالَ: «لَا يَزَالُ لِسَانُكَ رَطْبًا مِنْ ذِكْرِ اللَّهِ».
115 - KUKITHIRISHA KUMTAJA ALLAH
Kutoka kwa Abdullah bin Busr Mwenyezi Mungu awe radhi naye.
1- Kwamba mtu mmoja alisema: Ewe Mtume wa Mwenyezi Mungu, hakika sheria za Kiislamu zimekuwa nyingi, basi niambie jambo moja nishikamane nalo .
2- Akasema: “Ulimi wako uendelee kuwa mbichi kwa kumtaja Mwenyezi Mungu.
Ufahamu na Mafundisho
Alikuja mtu kwa Mtume Swalla Allaahu alayhi wa sallam akimlalamikia kuwa ibada za Sunnah zimekuwa nyingi mpaka akashindwa kuzitekeleza zote. Na akamuomba Mtume Swalla Allaahu alayhi wa sallam amwambie afanye mojawapo ya Sunna hizo ambazo malipo yake ni makubwa, na ambayo kwa ibada hiyo atayapata yale aliyoyakosa katika ujira wa ibada za sunnah, ili ashikamane nayo, na kuipa kipaumbele.
2. 2. Haieleweki kutokana na maneno yake kwamba anajumuisha wajibu pia; Kwa vile haikujulikana katika maneno yake, wala kwamba Mtume Swalla Allaahu alayhi wa sallam aidhinishe, vile vile swala zote za suna haziwezi kuishinda faradhi moja [1].
3. 3. Mtume rehma na Amani zimshukie, alimwamrisha amataje sana Mwenyezi Mungu, na aweke ulimi wake unyevunyevu na umande kwa kumtaja Mola wake, na adumu mchana na usiku katika ibada hiyo.
4. Na hakika Mtume rehma na amani zimwendee alimchagulia dhikri kutokana na wepesi wake katika ulimi na ujira wake mkubwa.
Amesema Mtume rehma na amani zimwendee kuwa:
Je nisikuelezeni amali yenu iliyo bora Zaidi na iliyo takasifu Zaidi mbele ya Mola wenu, na itakayo kunyanyueni daraja Zaidi na iliyo bora Zaidi kuliko kutoa dhahabu na fedha, na ni bora kwenu kuliko kukutana na adui zenu na mkapiga shingo zao nao wakapiga shingo zenu?” Wakasema: Ndiyo tufahamishe. Alisema: “kumtaja Mwenyezi Mungu ". [2]
5. Inatosha kuhusu ubora wa dhikr kwamba Mwenyezi Mungu Mtukufu anasema katika Hadith Al-Qudsi:
“ Mimi nipo katika dhana yam ja wangu vile anavyo nidhani, nami niko Pamoja naye pindi anapo nitaja, basi akinitaja nafsini mwake ,nami nitamtaja nafsini mwangu, na kama akinitaja mbele za watu. Na mimi nitamtaja mbele ya viumbe bora zaidi kuliko wao, Na akinikaribia kwa kiasi cha shibru moja namimi humkaribia kiasi cha urefu wa mkono mmoja, Na akinikaribia kwa urefu wa mkono, mimi humkaribia kwa kumpokea, na akinijia akitembea, mimi humjia kwa kumkimbilia”. [3]
1- Iwapo Ibada na Swalah za sunnah zikikuzidia, basi chagua bora katika hizo kwa malipo na tumia vyema wakati wako pamoja nayo.
2- Inapendeza kwa walinganiaji wawafafanulie watu malipo ya ibada na vitendo vya sunnah ili jambo hilo liwatie moyo katika kulidumisha.
3- Walinganiaji na waelimishaji wawachagulie watu Sala za sunnah zinazoendana na hali zao, na zenye malipo makubwa kwa Mwenyezi Mungu.
4- Ni urahisi ulioje kufanya ibada ya Dhikr! Mja huifanya bila shida au uchovu. Mwenye furaha na Mbora ni yule mwenye shauku kubwa sana na ibada hiyo.
5- Dumu katika kumkumbuka Mwenyezi Mungu; Kwa kumtaja Mwenyezi Mungu, dhambi husamehewa, daraja hupandishwa, Shetani hufukuzwa, Mwenyezi Mungu Mwingi wa Rehema huridhika, huondosha dhiki, wasiwasi huondoka, riziki huongezeka, na moyo na mwili huimarishwa.
6- Dalili na Alama ya mapenzi kwa Mwenyezi Mungu ni: kumkumbuka na kutomsahau. Basi upime moyo wako, je, unauona unampenda Mola wako daima, au unadai tu mapenzi hayo?
7- Dhikr iko katika daraja tofauti; Ya juu kabisa ni kumtaja Mwenyezi Mungu kwa moyo wako na ulimi wako, kisha kumtaja kwa moyo wako, kisha kuutikisa ulimi wako kwa kumtaja bila kufikiria. Kuna umbali mkubwa baina ya kila daraja na ujira mkubwa.
8- Dhikr ni uhai wa nyoyo,
na ndio maana Mtume Swalla Allaahu alayhi wa sallam amesema:
“Mfano wa mwenye kumtaja Mola wake Mlezi na asiyemkumbuka Mola wake Mlezi ni kama mfano wa mtu aliye hai na aliye kufa” [4]
9- Mshairi alisema:
Jitahidi kumtaja Mungu, ewe mtafutaji malipo = Ewe mwenye kutaka kheri, upendeleo, na wema
Fanya hivyo utapewa mahitajio yote = na utakingwa na matatizo na madhara.
Basi anayemtaja Mwingi wa Rehema hukaa naye = na anayemtaja Mwenyezi Mungu humlipa utajo.
Na asiye mtaja Mwenyezi Mungu huyo basi ni rafiki yake Shetani moyoni mwake.
Na anayemsahau Mola wake Mlezi, basi Mola wake Mlezi = kumsahau na hiyo ni hasara kubwa
Ibilisi akammiliki, na akamsahaulisha kumtaja Mola ambaye = Kamfanya awepo toka mwanzo.
Marejeo
- Kifayat al-Hajah fi Sharh Sunan Ibn Majah” cha Nur al-Din al-Sindi (2/418).
- Imepokewa na Ahmed (21702) na Al-Tirmidhiy (3377).
- Imepokewa na Muslim (2675).
- Imepokewa na Al-Bukhari (6407) na Muslim (779).
