عن أبي هُرَيرةَ رضي الله عنه قال: قال رسول الله ﷺ: «مَن صام رَمَضَانَ إيمانًا واحتسابًا، غُفِرَ له ما تَقَدَّم من ذَنْبه، ومَن قام ليلةَ القَدر إيمانًا واحتسابًا، غُفِر له ما تقدَّم من ذَنْبه».
وعن أبي هُريرةَ رضي الله عنه أيضًا، أن النبيَّ ﷺ قال: «مَن قام رمضانَ إيمانًا واحتسابًا، غُفِرَ له ما تقدَّم من ذَنْبه».
Kutoka kwa Abu Huraira Mwenyezi Mungu awe radhi naye amesema: Amesema Mtume wa Mwenyezi Mungu rehma na Amani zimfikie:
1. “Mwenye kufunga Ramadhani kwa imani na kwa kutaraji malipo, atasamehewa madhambi yake yaliyotangulia. 2. Mwenye kuswali usiku wa cheo kwa imani na kwa kutaraji malipo, basi atasamehewa madhambi yake yaliyotangulia” Kutoka kwa Abu Huraira Mwenyezi Mungu awe radhi naye amesema: Amesema Mtume wa Mwenyezi Mungu rehma na Amani zimfikie: 3. “Mwenye kuswali usiku wa cheo kwa imani na kwa kutaraji malipo, basi atasamehewa madhambi yake yaliyotangulia”
Mwenyezi Mungu Mtukufu amesema: “Enyi mlio amini! Mmeandikiwa Saumu, kama waliyo andikiwa walio kuwa kabla yenu ili mpate kuchamngu (183) (Mfunge) siku maalumu za kuhisabika. Na atakaye kuwa miongoni mwenu mgonjwa au yumo safarini basi atimize hisabu katika siku nyengine. Na wale wasio weza, watoe fidiya kwa kumlisha masikini. Na atakaye fanya wema kwa kujitolea, basi ni bora kwake. Na mkifunga ni bora kwenu, kama mnajua (184) Mwezi wa Ramadhani ambao imeteremshwa humo Qur'ani kuwa ni uwongofu kwa watu, na hoja zilizo wazi za uwongofu na upambanuzi. Basi ataye kuwa mjini katika mwezi huu naafunge. Na mwenye kuwa mgonjwa au safarini, basi atimize hisabu katika siku nyengine. Mwenyezi Mungu anakutakieni yaliyo mepesi wala hakutakieni yaliyo mazito, na mtimize hiyo hisabu, na mumtukuze Mwenyezi Mungu kwa kuwa amekuongoeni ili mpate kushukuru” .
[Al-Baqarah: 183 - 185]
Na amesema Mwenyezi Mungu mtukufu: “H'a Mim (1) Naapa kwa Kitabu kinacho bainisha (2) Hakika tumekiteremsha katika usiku ulio barikiwa. Hakika Sisi ni Waonyaji (3) Katika usiku huu hubainishwa kila jambo la hikima”
[Al-Dukhan: 1 - 4].
Pia Mola aliyetukuka amesema: “Hakika Sisi tumeiteremsha Qur'ani katika Laylatul Qadri, Usiku wa Cheo mtukufu (1) Na nini kitacho kujuulisha nini Laylatul Qadri? (2) Laylatul Qadri ni bora kuliko miezi elfu (3) Huteremka Malaika na Roho katika usiku huo kwa idhini ya Mola wao Mlezi kwa kila jambo (4) Amani usiku huo mpaka mapambazuko ya alfajiri” .
[Al-Qadr: 1 - 5]
